Rwy’n gwybod sut mae’n teimlo. Rydych yn gwybod bod angen sylw ar eich gwefan, ond rywsut nid yw'r tasgau hynny byth yn cyrraedd brig eich rhestr. Y dudalen Amdanaf o 2022 sy'n dal i sôn am eich gwasanaeth “newydd”. Yr adran bortffolio nad yw'n dangos eich gwaith diweddar gorau. Y mân broblemau technegol sy'n gwneud ichi eisiau cuddio o dan flanced bob tro mae rhywun yn sôn am eich gwefan.
Fel perchennog busnes bach, dylai eich gwefan weithio i chi, nid yn eich erbyn. Dylai fod yn ofod digidol rydych yn falch o'i rannu, nid rhywbeth sy'n gwneud ichi grynu wrth roi eich cerdyn busnes i rywun.
Ond dyma beth rwyf wedi'i ddysgu ar ôl gweithio gyda busnesau creadigol am bron i ddegawd: weithiau, nid oes angen ailwampio popeth i wneud y gwahaniaeth mwyaf. Weithiau, y cyfan sydd ei angen yw un awr ffocysedig gyda rhywun sy'n gwybod beth mae'n ei wneud.
Grym amser ffocysedig
Rwyf wedi bod yn cynnig Oriau Pwer ers sawl blwyddyn, ac rwy'n rhyfeddu'n gyson at yr hyn y gallaf helpu cleientiaid i’w gyflawni mewn dim ond 60 munud. Pan fyddwch yn cael gwared ar y teimlad o gael eich llethu ac yn canolbwyntio ar heriau penodol, gall y canlyniadau fod yn drawsnewidiol.
Dyma rai pethau rwyf wedi helpu cleientiaid i'w cyflawni mewn un Awr Bwer yn ddiweddar:
Cynnwys sy'n adlewyrchu pwy ydych chi nawr. Roedd angen llofnod e-bost ar Llinos a oedd yn cynrychioli ei hymgynghoriaeth gynyddol. Dyluniais rywbeth proffesiynol a chyson â'i brand y gallai ei ddefnyddio ar unwaith.
Datrys problemau technegol unwaith ac am byth. Roedd Diana wedi bod yn brwydro gyda phroblem parth ers wythnosau. Canfûm y broblem yn gyflym a’i datrys yn ystod y sesiwn, gan arbed dyddiau o rwystredigaeth.
Eglurder strategol i symud ymlaen. Roedd Alyn yn gwybod bod angen diweddaru ei wefan ond ddim yn gwybod ble i ddechrau. Treuliais yr awr yn ei helpu i greu strategaeth gynnwys glir a rhestr flaenoriaethau a roddodd hyder iddo symud ymlaen.
Pam mae Oriau Pwer yn gweithio mor dda
Y cydweithio sy'n gwneud y dull hwn mor effeithiol. Nid rhoi eich gwefan i rywun arall a gobeithio am y gorau ydych chi. Rwy’n gweithio gyda chi i ddatrys eich heriau penodol, gan sicrhau eich bod yn deall pob cam.
P'un a yw'n well gennych weithio ochr yn ochr â mi a dysgu wrth fynd, neu adael imi wneud y tasgau tra byddwch yn canolbwyntio ar bethau eraill, gallaf drefnu’r awr i weddu i'ch ffordd o weithio a'r hyn sy'n gyfforddus ichi.
Gwneud cynnal gwefan yn hylaw
Un o'r rhwystrau mwyaf i gadw gwefannau'n gyfredol yw'r teimlad bod pob tasg yn cymryd llawer iawn o amser. Ond drwy rannu'r gwaith yn nodau ffocysedig a chyraeddadwy, mae cynnal eich presenoldeb digidol yn dod yn llawer haws.
Gallai Awr Bwer gynnwys:
- Adnewyddu cynnwys blinedig nad yw'n cynrychioli eich gwaith mwyach.
- Trefnu eich tudalennau portffolio neu wasanaethau.
- Trwsio problemau technegol parhaus.
- Creu strategaeth glir ar gyfer diweddariadau nesaf eich gwefan.
- Dod o hyd i ffordd ymlaen gyda heriau penodol rydych wedi'u hosgoi.
Yr allwedd yw dod yn barod gyda'ch blaenoriaethau, a byddaf yn eich helpu i weithio drwyddynt yn effeithlon.
Cyfle dros yr haf
Gyda newidiadau cyffrous i fy ngwasanaethau ym mis Medi, rwyf wedi penderfynu cynnig rhywbeth arbennig y mis hwn. Drwy gydol mis Mehefin, rwy'n cynnig Oriau Pwer am £99 yn lle'r £125 arferol, ynghyd â'm Canllaw Paratoi Cynnwys Gwefan, gwerth £25, yn hollol rhad ac am ddim.
Bydd y canllaw yn arbed oriau o baratoi ichi ar gyfer gwaith gwefan yn y dyfodol. Mae'n un o'm hadnoddau mwyaf poblogaidd ac yn cwmpasu popeth o drefnu cynnwys a pharatoi delweddau i egluro eich neges.
Yn well fyth, os nad oes angen cymorth arnoch ar hyn o bryd, gallwch gadw'r awr ar gyfer yn nes ymlaen. Mae blaenoriaethau bywyd a busnes yn newid drwy'r amser, felly mae hyn yn rhoi hyblygrwydd ichi sicrhau'r pris arbennig nawr a defnyddio'r amser pan fydd yn fwyaf defnyddiol i'ch busnes.
Dim ond yn ystod mis Mehefin y mae'r canllaw am ddim ar gael. Os gallai hyn eich helpu i greu gofod digidol rydych yn wirioneddol falch ohono, mae'n werth archebu'n gynnar.
Yn barod i fynd i'r afael â'r tasgau gwefan hynny?
Weithiau, y cyfan sydd ei angen i droi pryderon am eich gwefan yn gynnydd yw rhywun gwybodus wrth eich ochr am awr. Boed gennych heriau technegol penodol, angen cyngor strategol neu eisiau adnewyddu cynnwys, gall sesiwn ffocysedig wneud byd o wahaniaeth.
Dylai eich gwefan gefnogi eich busnes, nid eich poeni. Os yw'r tasgau hynny wedi bod ar eich meddwl, efallai ei bod yn bryd eu ticio oddi ar eich rhestr.
Mae'r pris £99 a'r Canllaw Paratoi Cynnwys Gwefan am ddim ar gael drwy gydol mis Mehefin yn unig. Bydd pris arferol yr Awr Bwer yn dychwelyd i £125 o fis Medi.